NEWS

یەکەم ئاهەنگی گریمانەیی دەرچون لەعێراقدا زانکۆمان رێکیدەخات بۆ دەرچوانی خولی ٢٠٢٠


ئاهەنگێکی دەرچون لەڕێی ئینتەرنێتەوە لەسایەی کۆڤید ١٩ دا

زانکۆی ئەمریکی لەسلێمانی، عێراق ئەمڕۆ دەبێتە رێکخەرو داهێنەری یەکەمین ئاهەنگی گریمانەیی دەرچون لەعێراقدا، ئەویش بۆ دەرچوانی خولی نۆیەمە، کە تیایدا ٢٠٧ فێرخوازی بەکالۆریۆس و ١٢ فێرخوازی ماجستێری کارگێڕیی کار تەخەڕوج دەکەن.    
هاوشێوەی ئاهەنگە تەقلیدیە ساڵانەکەی دەرچون، ئاهەنگە گریمانەییەکەش چەند وتاریک دەگرێتە خۆ کە وتاری ئەم کەسایەتیانەن : "سەرۆکی زانکۆ د.بروس فیرگسون، سەرۆکی ئەنجومەنی ئەمیندارانی زانکۆ د. جیل دێربی، پارێزگاری سلێمانی د. هەڤاڵ ئەبوبەکر، باڵیۆزی پێشوی ئەمریکا رایان کروکر، هونەرمەندی کۆمیدی ئەحمەد ئەلبەشیر، جێگری سەرۆکی زانکۆ بۆ کاروباری ئەکادیمی د. وۆڵفگانگ هینک، دەرچوی نمرەبڵند لەماجستێری کارگێڕیی کار موهەننەد ئایدن ئەلیاس، هەروەها سەرۆکی بەشە ئەکادیمیەکانی زانکۆ". ئاهەنگەکە لەسەر ئەم لینکە بەردەستە auis.edu.krd/commencement.
وتاربێژان لە وتارەکانیاندا ستایشی دەرچوانی خولی ٢٠٢٠ دەکەن لەپای خۆڕاگرییان لەکۆرسی بەهارەی خوێندندا، کە بەهۆی داخرانی ناگەهانی حەرەمی زانکۆمانەوە لەئەنجامی بڵاوبونەوە پەتای کۆڤید ١٩ دا، راگیرا. زانکۆی ئەمریکی لەعێراق، سلێمانی یەکەم زانکۆی ناوچەکەبو پێی هەڵگرت بەرەو خوێندنی ئۆنلاین و لەمانگی تەمموزدا خوێندنی کۆرسەکەی تەواو کرد.
لە وتارەکەی سەرۆک فیرگسوندا هاتوە " چوار مانگ لەمەوبەر، هۆڵەکانی خوێندن داخران، بەبێ دیاریکردنی وادەیەک بۆ کردنەوەیان". هەروەها تێیدا هاتوە "وێڕای ئەوە، ئەوەی هەمانبو بەسمانبو. هەستێکی باشمان هەبو بەرامبەر دۆخەکە، کە دەستوبرد هانیداین بکەوینە دوای خوێندنی ئۆنلاین وەکو تاکە قەرەبو لەبری دەستبەرداربونی تەواوەتی لەخوێندن و فێرکردن. کەسانی خاوەن ئەزمونمان هەبو، پێشتر کۆرسی ئۆنلاینیان خوێندبو و دەیانتوانی رێنماییمان بکەن لەڕەوشە ناجۆرەکاندا. هەروەها خواستی گەییشتن بەئاقاری خۆمانمان هەبو، بەبێ گوێدانە سەختیی مەسەلەکە".
وتارەکەی د. فیرگسون چەند وشەیەکی سوپاسئامێزیشی تێدا ئاراستەی کۆمەککارانی زانکۆو ئەو کەسانە کراوە کە لەماوەی کۆرسەکەدا یارمەتیدەری بون، بەتایبەتی خانەوادەی فێرخوازان. 
لەلای خۆیەوەو لەسەر هەمان رێچکەی سەرۆک فیرگسون، سەرۆکی ئەنجومەنی ئەمیندارانی زانکۆ د. جیل دێربی، لە وتارەکەیدا سوپاسی زۆری خۆیی ئاراستەی دەرچوان کردوە "بەنوێنەرایەتیی ئەنجومەنی ئەمینداران، دەمەوێت سوپاستان بکەم لەپای دەستکەوتە نایابەکەتان و تەواوکردنی بڕوانامەکەتان، بەتایبەتی لەپای خۆڕاگری و نەرمگیری و ئامادەباشیتان بۆ خۆگونجاندن لەگەڵ ئاڵوگۆڕە کتوپڕەکەو ئەو رەوشە ناجێگیرەدا کە وەک فێرخوازی زانکۆی ئەمریکی لەعێراق، سلێمانی ئەم بەهارە بەرەنگاری بونەوە".
پارێزگاری سلێمانییش د. هەڤاڵ ئەبوبەکر، بەشبەحاڵی خۆی،  لە وتارەکەیدا فێرخوازانی هانداوە بۆ بەکارهێنانی بڕوانامەکەیان لەخزمەتی پەرەپێدانی عێراق و هەرێمی کوردستاندا "ببنە باڵیۆزی سلێمانی و کوردستان و سەرلەبەری وڵات. ببنە پرد لەنێوان کۆمەڵگەکەمان و کۆمەڵگەی نێودەوڵەتیدا. پەیوەندیی بەهێز لەگەڵ دنیای دەرەوەدا بنیات بنێن. پەیوەندیی ناوخۆیی لەناو نیشتیماندا بنیات بنێن. وەک تۆڕێکی جاڵجاڵۆکەیی، سلێمانی بخەنە پاڵ ئەو ناوچانەی خاوەنی سومعەی ئەکادیمین، لەڕێی پسپۆڕیە زانستییە هاوچەرخەکانتانەوە".
هەروەها باڵیۆز رایان کروکریش لەلای خۆیەوە، لەڕێی وتارەکەیەوە، دەرچوانی خولی ٢٠٢٠ ی هانداوە بۆ کارکردن لەپێناوی خوڵقندنی ئاڵوگۆڕدا "راستییەکی سەختە: لێرە، هەروەها لەسەرلەبەری دنیادا، ناتوانن کۆی مافی خۆتان بەدەست بێنن، تەنها دەتوانن ئەوندەی لێ بەدەست بهێنن کە ئامادەن لەپێناویدا بجەنگن. زۆرتان پێ بەخشرا: /زۆر/ بەپێی پێشبینیی ئێستا".
بەڵام بەڕێز ئەحمەد ئەلبەشیر، لە وتارە سوعبەتئامێزەکەیدا کە تیایدا جەختی کردۆتە سەر هەڵکەوتویی و دەگمەنیی دەرچوانی خولی نۆیەم – خولی ٢٠٢٠، داوا لەدەرچوان دەکات وڵات بەجێ نەهێڵن "دەزانم زۆرێک لەئێوە بڕیاری داوە یان بڕیار دەدات وڵات بەجێبهێڵێت، بەڵام بەڕاستی ئەوەی من خوازیاریم ئەوەیە کەسانی وەک ئێوە لەوڵاتدا بمێننەوە ... هیوادارم لەعێراق بتانبینم، بونیادی بنێن، ئاوەدانی بکەنەوە، خزمەتی بکەن، هەروەها خزمەتی خۆتان و خانەوادەو خۆشەویستان و هاوڕێیانتان بکەن".
 شایانی باسە زانکۆمان بەنیازە لەمانگی ئەیلولدا ئاهەنگە تەقلیدیەکەی دەرچونیش بۆ دەرچوانی خولی نۆیەم ساز بکات ئەگەر کۆڤید ١٩ رێگە بدات.

 

 

 

سەردانی وەفدی کونسوڵگەریی ئەڵمانیا بۆ زانکۆ ئەمریکی لەسلێمانی


 
کونسوڵی گشتیی ئەڵمانیا باربارا وۆڵف و کونسوڵ باربارا شوماخەر ، رۆژی ٨ ی شوباتی ٢٠٢٠ ، چاویان کەوت بەفێرخوازان و فەرمانبەرانی زانکۆی ئەمریکی لەسلێمانی .
وەفدە ئەڵمانیەکە ، سەرەتا لەگەڵ کۆمەڵێک فێرخوازی زانکۆکەو ئەندامانی دەستەی وانەبێژی کۆبونەوە ، پاشان گەشتێکیان بەناو حەرەمی زانکۆدا کرد ، دواتر چەند کۆبونەوەیەکیان لەگەڵ نوێنەرانی پەیمانگەی توێژینەوە هەرێمی و نێودەوڵەتیەکان و ، دکتۆر بروس واڵکر فیرگسون - سەرۆکی زانکۆو ، دکتۆر وۆڵفگانگ هینک - یاریدەدەری سەرۆکی زانکۆ بۆ کاروباری ئەکادیمی، ساز دا. 
شایانی باسە هەردو کونسوڵ باربارا وۆڵف و باربارا شوماخەر ، لەشوباتی ٢٠١٩ شدا، بەیاوەریی باڵیۆزی ئەڵمانیا دکتۆر سیریل نون ، سەردانی زانکۆمانیان کرد. 


 


 

Instagram Feed