پرۆگرامی بەکالۆریۆس | The American University of Iraq Sulaimani

Warning message

Mean Menu style requires jQuery library version 1.7 or higher, but you have opted to provide your own library. Please ensure you have the proper version of jQuery included. (note: this is not an error)

پرۆگرامی بەکالۆریۆس

بەرنامەی خوێندنی بەکالۆریۆس لەزانکۆی ئەمریکی لەسلێمانی ، وا داڕێژراوە کە فێرخواز فێربکات : رەخنەگرانە بیربکاتەوە ، بەڕەوشتی بەرزەوە رەفتار بکات ، بەڕەوانی بدوێت و بنوسێت ، شارەزای بنەما زانستییە گرنگەکان ببێت ، تامەزرۆی پرسیارکردن بێت دەربارەی هزری نوێ و نائاشنا ، روانگە جیهانییەکان بۆ تەماشاکردنی بابەتە جیاوازەکان بناسێت و … هتد .

فێرخوازانی بەکالۆریۆس لەزانکۆی ئەمریکی لەسلێمانی ، پێشئەوەی بواری پسپۆڕیی خۆیان دیاری بکەن و تیایدا بخوێنن ، بەپرۆسەی خوێندنێکی گشتیی هەمەلایەندا رەت دەبن کە فرسەتیان دەداتێ زانیاریی گرنگ و هەمەلایەن پەیدا بکەن ، ئەمەش بەهاوکاریی مامۆستایانێکی شارەزا کە لەڕێی گفتوگۆ بەپێزەکانیانەوە پۆلەکان دەخەنە جوڵە ، هەروەها فێرخوازان دەخەنە سەر کەڵکەڵەی بەشداری و فێربونی بەردەوام .

پرۆفیسۆرەکانی زانکۆی ئەمریکیی سلێمانی ، بەهۆی بەکارهێنانی  تەکنیکی نوێی فێرکردن لەبەرنامەکانی خوێندندا ، گوژم و تین و تاوێکی گەورە بەپرۆسەی فێرکردن  دەبەخشن .

فێرخواز ، پێویستە لەقۆناغی سێیەمی خوێندنی ئەکادیمیدا ، بواری پسپۆڕیی خۆی لەخوێندندا هەڵببژێرێت و دەست بەخوێندنی بکات .

فێرخوازانی زانکۆی ئەمریکیی سلێمانی ، لەپاڵ پسپۆڕیەکەی خۆیاندا ، دەتوانن لەبواری تریشدا بخوێنن لەڕێی بەشداریکردنەوە لەکۆرسە جۆراوجۆرەکانی زانکۆدا ، وێڕای ئەوە (پێویستە) وانە هەمەلایەنە لیبڕاڵیەکانیش بخوێنن بۆ ئەوەی ببنە خاوەنی زانیارییەکی فراوانی هەمەلایەن و خوێندنە ئەکادیمیەکەیانی پێ بەهێزتر بکەن .

خوێندنی وانە هەمەلایەنە لیبراڵیەکان کارێکی ئیجبارییەو کۆرسی تایبەتیی بۆ تەرخان کراوە .

ئەو کۆرسە ئیجباریانە لەم بوارانەدان : زانستە مرۆییەکان ، زانستە کۆمەڵایەتیەکان ، زانستی بیرکاری ، زانستە سروشتیەکان .