تێچوی خوێندن | The American University of Iraq Sulaimani

تێچوی خوێندن

زانكۆی ئەمریكیی عێراق - سلێمانی ، زانكۆیه‌كی قازانجنه‌ویسته‌ ، بۆ خزمەتکردنی بەرژەوەندیی گشتیی هه‌رێمی كوردستان و عێراق دامەزراوە ، نزیکەی چل دەرسەد (٤٠٪) ی تێچوی خوێندنی  فێرخوازە بەهرەمەندو  هەڵکەوتوەکانی ، لەلایەن ئەو کەسە بەخشندەو کۆمەککارانەوە دەگیرێتە ئەستۆ کە دەستیان بەباڵیەوەیە  .

تا نمرەی فێرخواز لەتاقیکردنەوەی بەکالۆریدا بەرزتربێت ، بڕی ئەو پارەیەی کە دەبێت وەک رەسمی خوێندن بیدات نزمتر دەبێت ، بەڵام ئەو فێرخوازانەی کە تێکڕای نمرەکانیان لەتاقیکردنەوەی بەکالۆریدا ٪٧٤  یان بەرەوخوارەترە ، دەبێت سەرلەبەری بڕی رەسمی خوێندنەکە بدەن کە بریتییە لە ٨٠٠٠$ بۆ هەر ساڵێکی خوێندن (واتە بۆ دو کۆرسی خوێندن) .

زانکۆی ئەمریکیی سلێمانی ، مینحەو کۆمەکی زیاتر بۆ فێرخوازان دەستەبەر دەکات ، بەڵام پێویستە بزانرێت : پێوەری ئەو بۆ کۆمەککردنی فێرخواز ، لەساڵێکەوە بۆ ساڵێکیتر جیاوازە ، جا بۆ دەستڕاگەیشتن بەنوێترین زانیاری لەو بارەیەوە ، دەبێت ناو بەناو تەماشای وێبسایتەکەی بکرێت لەسەر تۆڕی ئەنتەرنێت .

٢%ی فێرخوازانی وه‌رگیراو كه‌ به‌رزترین نمره‌یان هه‌یه‌ مینحه‌ی لێوه‌شاوه‌یی ئه‌كادیمی وه‌رده‌گرن له‌لایه‌ن زانكۆوه‌ و رسوماتی خوێندنیان لێوه‌رناگیرێت.


تێچوی خوێندن (بۆ یه‌ك وه‌رز)

تێچوی خوێندنی زانكۆیی

ئەنجامی تاقیکردنەوەی بەکالۆری

تێچوی یه‌ك وه‌رزی خوێندن

داشكاندنی زانكۆ (%)

تێچووی خوێندن پاش داشكاندن
90 - 100 % $4,000 %50 $2,000
75 - 89 % $4,000 %25 $3,000
 %74  و بەرەوخوارتر $4,000 %0 $4,000
فێرخوازانی بیانی $5,000 %0 $5,000

* پرەنسیپی (نزیکخستنەوە لە 10) بۆ نمرەی بەدەستهاتو لەتاقیکردنەوەی بەکالۆریدا ، جێبەجێ ناکرێت .

نمونە : ئەگەر فێرخوازێک تێکڕای نمرەکانی لەتاقیکرنەوەی بەکالۆریدا 89.99  بو ئەوا بە 90 بۆی حساب ناکرێت ، بەڵکو دەبێت بڕی 3000$ رەسمی خوێندن بدات (ئەوەش ئەو بڕەیە کە دەبێت فێرخوازانی خاوەن نمرەی %75 – 89 بیدەن) . 

* تێچوی خوێندن بۆ یه‌ك وه‌رز

به‌رنامه‌ی ئاماده‌سازیی ئه‌كادیمی (APP)
ئەنجامی تاقیکردنەوەی بەکالۆری تێچوی یه‌ك ئاستی خوێندن

داشكاندنی زانكۆ (%)

تێچووی خوێندن پاش داشكاندن
90 - 100 % $2,000 28% $1,450
75 - 89 % $3,000 25% $2,250
 %74   و بەرەوخوارتر $4,000 26% $2,950 
ماجستێر لەکارگێڕیی کار
تێچوی هه‌ر كۆرسێك $1,375

تێچوی سەرجەم کۆرسەکان
(١٧ کۆرس بەپارەی کتێبەکانی خوێندنەوە)

$23,375

 

دڵنیایی:

فێرخوازانی تازه‌ خۆناونوسکردو، بەوانەشیانەوە کە مینحەی خوێندن دەیانگرێتەوە ، دەبێت پێشەکی بڕی 500$ ڕاده‌ستی زانکۆ بکەن .

  • ئه‌و بڕه‌ پاره‌یه‌ ، هەقی ئەوەیە کە فێرخوازەکە  لەزانکۆکە قەبوڵ کراوە، واتە (تێچوی خۆناونوسکردن)ە ، ناگه‌ڕێنرێته‌وه‌ بۆ فێرخواز، بەڵام ئەگەر فێرخوازەکە لەو فێرخوازانەبو کە مینحەی خوێندن دەیانگرێتەوە، ئەوا دەکرێت لەو رێسایە ببوردرێت، بەڵام دەبێت هەر سەرەتا لەکاتی خۆناونوسکردندا رێکەوتن لەوبارەیەوە لەنێوان زانکۆو فێرخوازدا بکرێت و لەدەقی گرێبەستی نێوان فێرخوازەکەو زانکۆدا ئاماژە بەو هەڵاواردنە بدرێت .

  • پێویستە بڕێک پارە بسپێردرێتە زانکۆ بۆ گرەنتیکردنی  شتومەکەکانی ناو شوێنی نیشتەجێبونی فێرخواز لەبەشی ناوخۆیی، وەکو: کلیل، دۆڵاب و … هتد.


كۆرسی هاوینه‌و زستانه‌ :

ئەم بڕە پارانە ناچنە چوارچێوەی (تێچوی ساڵانەی خوێندن) وە:

  • تێچوی کۆرسە هاوینه‌ییەکانی به‌رنامه‌ی ئاماده‌سازیی ئه‌كادیمی APP (کە فێرخواز بەئیختیاری خۆی دەیانخوێنێت)، ئەم پارەیە ناشگەڕێندرێتەوە.

  • تێچوی كۆرسە زستانەییە زانکۆییەکان (کە فێرخواز بەئیختیاری خۆی دەیانخوێنێت)، ئەم پارەیە ناشگەڕێندرێتەوە.


پارەیتر (رسوماتی ئیلزامی):

وێڕای تێچوی خوێندن ، فێرخوازانی به‌رنامه‌ی ئاماده‌سازیی ئه‌كادیمی APP ، ده‌بێت بۆ هه‌ر تێرمێكی خوێندن نزیكه‌ی 50 $  بده‌ن هەقی دابینکردنی كتێبه‌كانی خوێندن.

  • ئەم پارەیە ، دەبێت لەکتێبخانەی زانكۆ تەسلیم بکرێت .

  • هەر فێرخوازێک لەتەسلیمکردنی ئەو پارەیە دوا بکەوێت ، نمره‌ی کۆرسەکانی ، لەگەڵ نمرەی سەری ساڵی ، راده‌گیرێت و راناگەیەندرێت، رێگەیشی نادرێت  بەشێوەی (ئۆنلاین) خۆی ناونوس بکات بۆ کۆرسی دواتر . 

زانكۆی ئەمریکیی سلێمانی ، سەرباری ئەو بڕە پارانەی لەگرێبەستی خوێندندا دیاریی کردون ، مافی داواکردن و سەپاندنی هەر بڕە پارەیەکی تریشی هەیە .


تێچوەکانی خوێندنی زانکۆیی:  

تێچوەکانی خوێندنی زانکۆیی ئەمانەن :

  • تێچوی مانەوە لەبەشی ناوخۆیی زانکۆ :

تێچوی مانەوە لەبەشی ناوخۆیی (تەنها ئەو فێرخوازانە لەئەستۆی دەگرن کە دەیانەوێت لەبەشی ناوخۆیی زانکۆ نیشتەجێ ببن) .

تێچوی مانەوە لەبەشی ناوخۆیی (بۆ هەر کۆرسێکی خوێندن) ، بەپێی جۆرەکانی شوێنی نیشتەجێبونەکە (کە بریتین لە : تایبەتی و ستانداردو ئابوری) بەمشێوەیەیە :

  • ئابوری : 600 $
  • ستاندارد : 720 $
  • تایبەتی : 1200 $ 

تێچوی مانه‌وه‌ له‌ به‌شی ناوخۆیی بۆ فێرخوازانی پرۆگرامی ئاماده‌سازیی ئه‌كادیمی به‌م شێوه‌یه‌ی خواره‌وه‌یه‌:

جۆره‌كان تێچو بۆ هه‌ر 10 هه‌فته‌یه‌ك تێچوی یه‌ك ساڵ
ئابوری $490 $1,960
ستاندارد $590 $2,360
تایبه‌تی $1,000 $4,000

بۆ زانیاریی زیاتر دەربارەی جۆرەکانی شوێنی نیشتەجێبون لەبەشی ناوخۆیی زانکۆ ،کلیکی ئێرە بکە .

  • ئەو تێچوانەی سەرەوە ، بۆ دابینکردنی کرێی نیشتەجێبونە لەبەشی ناوخۆیی زانکۆ (تەنها بۆ ماوەی یەک کۆرسی خوێندن) ، هیچ بڕێکیشی لێ داناشکێندرێت لەپای هیچ  پشویەکی فەرمی و هیچ پشویەکی کۆتایی هەفتە لەماوەی کۆرسەکەدا. 
  • دڵنیایی تەئمیناتی گرەنتیکردنی کلیلی ژورو شتومەکەکانی ناوی ، سەروەختی خۆناونوسکردن بۆ نیشتەجێبون لەبەشی ناوخۆیی،  ڕادەست دەکرێت .
  • تێچوی كتێبه‌كانی خوێندن (بەپێی پرۆگرامی خوێندنی فێرخواز بڕەکەی دەگۆڕدرێت).

  • تێچوی خزمه‌تگوزارییه‌ لاوەکیەکان (پرنتكردن، راوه‌ستاندنی ئۆتۆمبیل و … هتد). 

زانكۆی ئه‌مریكیی سلێمانی ، مافی سەندنی هەر پارەیەکی تریشی هەیە ، سەرباری ئەو پارانەی لەگرێبەستی خوێندندا دیاریی کردون .